ترجمه کُردی م. باران از شعر "بگذار آواز تو را بر آب بنویسیم" رضا مقصدی در سوگ شاعر کُرد شیرکو بی کس

شاعیر: ڕەزا مەقسەدی
وەرگێڕ: م. باران

ڕێمان بدە با چریکەت لە سەر ئاو بنووسین
بە یادی شاعیری کوردستان
شێرکۆ بێکەس

لە ڕوناییەکانی ئەم بارانەدا
شێعرێک بە یادی تۆ، لە دوورە وڵاتی دڵمدایە
هاوڕەنگی شاییەکانی کوردستان .

هاوڕەنگی زیندەوەرانی ناو زەریا
کە دەگەڵ هەتاو
بە سەر ئاواتەخوازانی بزوێنەردا
جوانییەتی لێوڕێژبوونی بوون
دەخوێنن .

باوەڕ بە وێکهێنانی چاوت ناکا
ئەو باخەی دەستەکانی تۆ ڕایهێناوە
ئەو باخەی پەیامە سپێکەی
هەتا
هۆزی سەربەرزی گەڵای ئێمە هێناوە.

شێعرەکەت دەگەڵمان بوو
لە کاتی هووریادا
رەنگینتر لە هەموو قەسیدەیەک.
لە ڕۆژگاری ڕوانی خەیاڵێکی دەنگ خۆشدا.

کاتێ باسی ئارامی ئاویمان دەکرد
فڕینی چریکەت لە گیانماندا
جوان بوو.

جارێکیش لە شادی دەنگی ئەو سەرخۆشەدا
- لە " بامداد" ی باخی ئاوێنەدا -
ئەوینداری تۆ دیار بوو.

کێ جوانتر لە بێکەس "دل" ی کرد بە سروودێک ؟
کێ جگە لە بێکەس، ئەو شاقەڵ شاقەڵ کراوە و
لە خوێن گەوزیوەی
لە غەریبایەتییەکی خەماوی و گیان تەزێندا ،
کرد بە موسیقای خۆشڕەنگی ڕووبارێک ؟

رێمان بدە با چریکەت لە سەر ئاو بنووسین
تا بەردەوام بە سەر ئاواتەخوازانی باران، گۆڵ ببارێنێ
ڕێمان بدە با
بێتاقەتی گیان فیدایانت لە سەر سینگی مانگ بنووسین.

[بگذار آواز تو را بر آب بنويسيم، رضا مقصدی ـ متن فارسی]